ആഘോഷം

minnumol

അച്ഛന്‍ വന്നു….മിന്നുമോള്‍ക്ക്‌ മഞ്ഞു പോലെ
വെളുത്ത ഉടുപ്പ്…..ചിന്നുക്കുട്ടിക്കു ചുവപ്പും….
അപ്പുവിനു കളിക്കാന്‍ വണ്ടി….
അമ്മയ്ക്കും കിട്ടി സാരി…….
പുത്തനുടുപ്പിട്ട്…അച്ഛന്‍ കൊണ്ടുവന്ന..
ഐസ്ക്രീം നുണഞ്ഞു…കുഞ്ഞുങ്ങള്‍ ഉറങ്ങി…
പൂമ്പാറ്റകളെയും…പൂക്കളെയും സ്വപ്നം കണ്ട്….
പുഞ്ചിരിച്ചു…തിരിച്ചു വരാത്ത ലോകത്തേക്ക്..
അവര്‍ പറന്നുയരെ….താഴെ പായയില്‍…
പുത്തന്‍ സാരിയുടുത്തമ്മയും…
അടുത്ത് അച്ഛനും…പോകാനൊരുങ്ങുകയായിരുന്നു….
ബാങ്കു വായ്പകളും…പലിശക്കാരുമില്ലാത്ത…
ലോകത്തേക്ക്…തങ്ങളുടെ
പൊന്നോമനകളായ….മാലാഖമാരുടെ അടുത്തേക്ക്…
അപ്പോഴും ….അപ്പുവിന്‍റെ വണ്ടി കാത്തിരിക്കുകയായിരുന്നു….
കാലത്ത്‌ അവന്‍ എത്തുന്നതും കാത്ത്……